အောက်တိုဘာ (၁၃) ရက်နေ့ဟာ No Bra Day ပါ 😍

အောက်တိုဘာ (၁၃) ရက်နေ့ ကို No Bra Day (နိုးဘရာဒေး) ဆိုပြီး သတ်မှတ် ထားပါတယ်။ အမျိုးသမီးတွေကို (၂၄) နာရီကြာ (ဘရာစီယာ) မဝတ်ကြဘို့ လှုံ့ဆော် ထားပါတယ်။ Bra Day ကို ၂ဝ၁၁ တုန်းက ကနေဒါနိုင်ငံ တိုရွန်တိုမြို့က ပလပ်စတစ်ဆာဂျင် ဒေါက်တာ (မစ်ချယ် ဘရောင်း) ကနေ စလုပ်ခဲ့ပါတယ်။ နိုင်ငံပေါင်း (၃ဝ) ကျော် ပါဝင် ဆင်နွဲ ခဲ့ပါတယ်။

လွန်ခဲ့တဲ့ (၄) နှစ်အတွင်း ဆိုရှယ် မီဒီယာကနေ ဆော်သြမှုတွေ လုပ်နေခဲ့ပါတယ်။ (ယူကေ) နိုင်ငံမှာလဲ အောက်တိုဘာကို Breast Cancer Awareness Month ရင်သားကင်ဆာ အသိပညာ ဖြန့်ဖြူးရေးလ အဖြစ် သတ်မှတ် ထားပါတယ်။

အမေရိက မှာတော့ လူတွေ စိတ်ဝင်စားမဲ့ နည်းလမ်း အမျိုးမျိုးနဲ့ ဆင်ယင် ကျင်းပ ပါတယ်။ ရင်သားကင်ဆာ ဖြစ်ပြီး အသက်ရှင် သူတွေကနေ ဘရာဒီဇိုင်းဆွဲ ပြိုင်ပွဲ လုပ်တာ၊ ဒီဇိုင်းတွေကိ်ု လေလံပစ်တာ၊ ပညာပေး ဟောပြောတာ၊ လူစုလူဝေးနဲ့ သီချင်း သီဆိုကြတာ၊ ကခုန်တာ၊ စုဝေး ချီတက်တာ၊ ဆင်တူ ဝတ်ဆင်ကြတာ၊ ရံပုံငွေ ရှာပွဲလုပ်တာ၊ အမေး အဖြေပွဲ လုပ်တာ၊ ပြဇာတ် စတာတွေနဲ့ ဧည့်ခံတာ စတဲ့ နည်းလမ်းတွေကို အကြံပြု ထားပါတယ်။

မနှစ်ကတော့ အဲဒီနေ့မှာ အမျိုးသမီး တွေကို တီရှပ် အဖြူသာ ဝတ်ဆင်ဘို့ အကြံပေးထား ပါတယ်။ တကယ်လို့ ဘရာ မဝတ် မဖြစ် ဝတ်ရမယ် ဆိုရင်တော့ မရမ်းရောင် အပေါ်ဝတ် ကိုပါ ဝတ်ဆင်ဘို့ အကြံ ပြုပါတယ်။

အမှန်က Breast Reconstruction Awareness Day ရင်သား ပြန်လည် တည်ဆောက် ပေးခြင်းကို အသိပေး လှုံဆော်တာ ဖြစ်ပါတယ်။ ရင်သား ကင်ဆာ ဖြစ်လို့ ရင်သား တခုလုံးကို ခွဲထုတ် လိုက်ရ သူတွေမှာ အပြင်အမြင် တင့်တယ်အောင် ရင်သား အတု ခွဲစိတ် တပ်ဆင် ပေးရပါတယ်။ ကျွန်တော့်ဆီကို သမီးမှာ ရင်သား ကင်ဆာ ဖြစ်လို့ ရင်သား တဖက်လုံး ထုတ်လိုက် ရတာမို့ သမီးအတွက် သူ့ဖခင်ဖြစ်သူ ကနေ ရင်သားအတု ခွဲစိတ်နည်း အကြောင်း မေးလာတာကို ကျွန်တော် ဘယ်တော့မှ မမေ့နိုင်ပါ။ အဲတာနဲ့ ၇-၁-၂ဝ၁၂ နေ့က Breast Reconstruction ရင်သား အသစ် တပ်ပေးခြင်း စာကို ရေးဖြစ်ခဲ့ ပါတယ်။

အောက်တိုဘာ တလလုံးက ရင်သား ကင်ဆာ အသိပေးတဲ့ လ ဖြစ်ပါတယ်။ အောက်တိုဘာ (၁၄) ရက်နေ့ ကိုတော့ Big Pink နေ့ လို့ သတ်မှတ်တယ်။

crd _ ဒေါက်တာတင့်ဆွေ